MIRI, 24 April: Lima iku bakal ba penusah aksiden ngaul dua buah entukar ba Jalai Pesisir ditu, tengah malam tadi.
Pengari Palan Operasyen (PGO) Opis Bomba enggau Penyah Penusah Malaysia (JBPM) Sarawak madah, raban sida nerima kangau bekaul enggau penusah nya urung pukul 12.31 tengah malam lalu berumban nganjung raban ari Balai Bomba enggau Penyah Penusah (BBP) Batu Niah ngelawa palan penusah nyadi.
“Seninjik datai ba endur penusah nyadi dia dipeda penusah nya ngaul sebuah kerita Perodua Viva enggau Proton Iswara.
“Semua tudah lelaki besai tuai ke bakal udah mujur pansut asil bantu mensia mayuh,” ku iya nengah sebengkah penerang sehari tu tadi.
Ku iya, raban bomba semina mantu raban Opis Menteri Pengerai Malaysia (KKM) ngatung sida ke bakal ngagai ambulans.
“Semua tudah sida ke bakal udah dianjung ngagai Klinik Pengerai Bekenu ngena KKM ngambika diperubat silik,” ku iya. -TVS
