Search
Close this search box.
Search
Close this search box.
Kaban Parlimen Hulu Rajang, Datuk Wilson Ugak Kumbong rambau ngabas opis Raban Penyaga Orang Periman Malaysia (APM) di pelilih Kapit kena Hari Lima tu tadi. Foto:Fb Wilson Ugak Kumbong

Aset APM di menua pesisir mesti chukup – Wilson Ugak

ByMadeline Dugat

KAPIT, 15 April: Raban Penyaga Orang Periman Malaysia (APM) ngembuan tangkup pengawa ke besai dalam nyaga pengelikun mensia mayuh lebih agi lebuh bisi penusah ngenyit nyadi baka penusah ampuh bah, tanah tusur enggau ke bukai.

Sapit Menteri ba Opis Menteri Besai (Nyaga Pekara Sabah, Sarawak enggau Pengawa Khas) Datuk Wilson Ugak Kumbong madahka, nya kebuah aset logistik baka perengka pengangkut dikena ngelancharka operasyen ngesah penusah sekalika penusah ngenyit tauka kes emejensi mesti chukup lebih agi di kandang menua pesisir nyengkaum di pelilih Kapit.

“APM iya nya siti tim ‘first responder’ lebuh betapi enggau kes emejensi enggau penusah ngenyit,” ku iya.

Iya mansutka jaku nya rambau dirandau pemberita TVS, sehari tu tadi.

Berindik ari nya, Ugak ke mega Kaban Parlimen Hulu Rajang madahka raban APM patut nyikap diri ari semua sukut dalam operasyen nyelamat enggau napi sebarang penusah ngenyit.

Dulu ari tu, Ugak bisi ngatur penemuai ngabas Opis Raban Penyaga Orang Periman Malaysia (APM) pelilih Kapit kena Hari Lima.

Ku iya, tuju penemuai nya laban deka bejalaika pengawa matau aset, perengka pengangkut logistik sereta gaya rampa opis APM di pelilih Kapit.-TVS

TVS provides up-to-date news, captivating dramas, and diverse programmes on channel 122 MYTV, Unifi TV and Astro. Stream TVS live now on the MYTV Mana-Mana, Unifi TV and ASTRO GO apps.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment

WhatsApp: TVS

 

Berita Berkaitan