LUBOK ANTU, 8 April: Dinding ruai rumah panjai Skandis Baru, Kesit ditu pechah ketegal dituju tanah tusur ba penusah ke nyadi malam tadi.
Nitihka penerang ari Balai Bomba enggau Penyah Penusah (BBP) Betong, pengudah nerima kangau tasah sida terus ngesah palan penusah nya lalu datai ba rumah panjai nya urung pukul 11.40 malam.
“Maya datai ba rumah panjai nya sida tepeda ke amat bisi penyadi tanah tusur ba mua rumah panjai sereta ngujungka dinding ruai ti kena tuju tanah nya pechah.
“Pengudah matau kandang endur nya, dipelabaka penyadi tanah tusur agi ulih nyadi.
“Beduduk ari nya, sida ke nguan pak bilik ke diduju tanah tusur nya udah diasuh ngenduh ba rumah kaban belayan di Merindun dikena nyeliah penusah bukai ke enda disadang,” ku tandu penerang nya.
Ke penerang, tiga pintu bilik ke pemadu semak enggau penyadi tanah tusur tu iya nya Pintu Lumur 1, dipenggi Molly anak Alexander Asing diuan dua iku pengani, Pintu Lumur 2 (Tuai Rumah Alexander Asing diuan tiga iku pengani) enggau Pintu Lumur 3 (nadai orang nguan).
Pengudah matau enggau ngambi penerang ke bekaul raban bomba ti betuaika Komander Operasyen PBK II, Edwin Jonani mupuk pulai baru ngagai balai urung pukul 12.30 tengah malam.-TVS
