KUCHING, 12 Mac: Dua iku baya ke besai tiga meter enggau 4.8 meter lepau ari sangkar ke rusak ba Palan Jelu Siga Matang ditu ketegal ujan bangat ke nyadi kenyau Hari Lima tu tadi.
Beduduk ari nya, Sarawak Forestry Corporation (SFC) madah raban sida benung bejalaika pengawa matau enggau ngiga ba semua kandang endur ke besemak.
“Arapka sama bejejaga nyema kita diau semak Palan Jelu Siga Matang, lebih agi pengani ba Kampung Rayu.
“SFC ngarapka kita (perayat besemak) anang kesal,” ku sebengkah penerang dibantai sehari tu.
Mensia mayuh ke bisi sebarang penerang tauka tepeda ke baya nya, patut madah ngagai SFC ba lumur 019-8859996. – TVS
