SIBU, 17 Feb: Siku orang ke gawa nganjung pemakai ngena aplikasyen e-hailing raya bakal pengudah motosikal ke dtepan iya ngelanggar sebuah kerita BMW lebuh ti deka beputar ‘U’ ba Jalai Tunku Abdul Rahman, ditu, lemai kemari.
Ba penusah ke nyadi urung pukul 3 lemai nya, tudah ke beumur 33 taun benung deriba datai ari Jalai Keliling Opis Perengka Pengangkut (JPJ) Sibu nuju ke puak mengeri.
Tua Polis Pelilih, Asisten Komisioner (ACP) Zulkipli Suhaili madah, tudah dipelaba enda sempat nekan brek lalu nuju sepiak kiba kerita nya ke dipasang siku lelaki beumur 58 taun.
Ku iya, bekau ari penusah nya, tudah ke raya bakal ba mua enggau pala lalu orang ke deriba kerita nadai sebarang bakal.
Ku iya, kes dipansik nitihka Seksyen 43(1) Akta Pengangkutan Jalan (APJ) 1987 laban deriba enda bejimat ba jalai raya. -TVS
