KUCHING, 3 Feb: Sepital Sibu benung nyidi kaban belayan siku pesakit bebansa Iban ti beumur 58 taun, Roselind Mengga.
Nitihka penerang ari Sepital Sibu ti dipansutka Hari Dua, pesakit nya dipasukka berubat kenyau ari 6 Julai 2022 lalu diatu agi ba wad Psikiatrik Indu (32).
“Raban sepital udah nguji betelefon nuju waris pesakit ungkup atur bebayar tang kangau telefon ke digaga puntan.
“Nitihka penerang, Roselind bisi siku orang ke enggau sebilik benama Jacquelin,” ku penerang nya.
Nya alai, Sepital Sibu ngarapka sida sebilik tauka orang ke ngelala pesakit tu tauka bisi sebarang penerang bekaul enggau kaban belayan iya tau betelefon terus nuju Pegawai Pengawa Rama Perubat Naimie Mohd Nawawi ba lumur 084-343333(samb.7307) tauka Wad Psikiatri Indu (32) ba jam opis dibuka (Hari Satu nyentuk Hari Lima).-TVS
