JULAU, 3 Feb : Ai bah ke nuntung sebuah rumah Projek Rumah Rayat Seranta (PPRT) di Jalai Entabai ditu kenyau Hari Minggu tu tadi apin surut.
Taja pia, naka tu sida ke diau sida apin mindah ngagai palan pengenduh laban sida ke dituntung penusah kiruh mindahka barang ari rumah sida ngagai rumah kaban belayan ke semak.
Tuai Balai Bomba dan Penyelamat Bintangor, Penolong Penguasa Bomba, Nicholas Belulin madah, seraban bomba udah ngesah penusah nya pengudah sida nerima kangau tasah pukul 10.27 pagi tadi.
Asil perati, ku iya raban bomba meda rumah sida ke tasah udah ampuh sepenalam semeter.
“Penusah nyadi bepun ari tekat ai enggau ujan bangat berunggu kenyau beberapa hari ke udah,” ku iya nengah sebengkah penerang.
Kenu ku Nicholas, empat iku pengani rumah nya ke beumur lima nyentuk 43 taun nadai mindah pengudah sida mindahka barang diri ngagai rumah ke besemak.
Taja pia, ku iya raban bomba bisi ngelalau sida ke dituntung penusah seruran ngadang lalu mindah lengkas nyema bah nya majak balat.
“Maya bomba bejalaika pengawa matau, gaya hari mambam lalu tikas ai bah agi dalam,” ku iya. -TVS
