KUCHING, 29 Jan: Dua bengkah bidang iya nya bidang pelajar enggau pengerai dikeandal terus nyungkak pemansang Sarawak, ku Mohammad Razi Sitam.
Sapit Menteri Pemansang Pengelantang Komuniti nya madah, juluk nya meransang perintah Sarawak ngerintaika dua bidang nya entara pekara ke dituntut nengah Sempekat Malaysia 1962 (MA63).
“Kitai endang patut nitihka pekara ke udah dipekat dalam MA63 lalu kitai deka meda pangka pemansang nya ngagai Sarawak udah tu,” ku iya.
Mohammad Razi madah munyi nya maya bejadika Aum Besai Ninting Taun Ke-26 Gerempung Alumni Universiti Sains Malaysia ba Dewan Pembangunan Siswa 1, Kompleks Cahaya Siswa, Universiti Sains Malaysia, Hari Enam.
Berebak enggau nya, ku iya inisiatif Sarawak numbuhka sekula entarabansa nengah Yayasan Sarawak ti mandangka pengeransing perintah nempa modal mensia dalam komuniti.
“Juluk Premier Sarawak, Datuk Patinggi Tan Sri Abang Johari Tun Openg iya nya nempa Sarawak nyadi hab (pelajar) ba rantau tu,” ku iya.
Mohammad Razi andal Sarawak ulih nyadi pilih rayat menua sepiak iya nya Brunei enggau Indonesia dikena ngangkatka bemacham bidang pelajar sida ditu. -TVS
