KUCHING,14 Jan: Polisi ekonomi baru Sarawak majak nerima perati dunya lebih agi ari menua Eropah.
Ku Premier Sarawak, Datuk Patinggi Tan Sri Abang Johari Tun Openg menua Eropah lebih agi Britain udah madah diri deka belajarka polisi ekonomi gadung ke benung dipejalaika Sarawak diatu.
“Baru pagi tadi, sida daripada komanwel berjumpa saya, London sekumbang ba rantau jalai ari London betemu enggau aku pagi tadi berandau pasal ekonomi hidrogen, ekonomi baru.
“Deka belajar ari kitai, orang England belajar ari kitai ba sukut ekonomi baru,” ku iya maya bejadika pengerami Anugerah Pedagang Bumiputera Sarawak (AUBS) 2022 ba sebuah hotel ditu, malam tadi..
Nyadi nya chukup terang mandangka polisi ekonomi ke dilanggur perintah Sarawak meri pengandal lalu ukai semina jaku aja.
Sebedau tu, Abang Johari udah suah betemu sereta dikangau menua luar bekunsika buah penemu pasal polisi ekonomi baru ke ngaul chara ngasilka kuasa ti beresi, entara nya baka aum besai enggau eksibisyen hidrogen dunya ba Rotterdam, Belanda, Forum Hidrogen di Tokyo, Jipun, Aum Besai enggau Minggu Kuasa Entarabansa Singapore ke-15 di Marina Bay Sands, Singapore ba taun nyin kemari.-TVS
