KAJANG, 24 Nov: Datuk Seri Anwar Ibrahim madah, aum Parlimen deka diatur kena 19 Disember tu ila dikena nentuka undi pechaya ngagai iya ungkup mosyen keterubah.
Menteri Besai (PM) madah, pekara nya deka diatir dikena mandangka iya ulih dipechaya nyadi Kaban Dewan Rayat.
“Mosyen keterubah kelimpah ari ngangkat sumpah iya nya mosyen ari perintah iya nya mantai undi perchaya.
“Nyadi nadai patut diangkai sentang pekara ke udah nyata,” ku iya.
Anwar ke mega Kaban Parlimen Tambun madah munyi nya ba aum pemberita iya nyadi Menteri Besai ditu, tadi.
Bela datai, bini Menteri Besai, Datin Seri Dr Wan Azizah Wan Ismail.
Berebak enggau nya, Anwar madah, perintah beserakup ke diiring iya ngembuan sukung ke chukup enggau sentang penegap nadai ibuh diangkai agi.
Udah nya, Anwar madah perintah mega deka mantai enggau ngemendarka emolumen ungkup orang gawa perintah ba aum pemberita bekaul sebedau Bajet 2023 dibantaika baru. -TVS
