KUCHING, 24 Nov: Chairman Pakatan Harapan (PH) Datuk Seri Anwar Ibrahim udah sah nyadi Menteri Besai Malaysia Ke-10 pengudah iya mujur angkat sumpah ba mua
Yang Di-Pertuan Agong, Al Sultan Abdullah Ri’Ayatuddin Al-Mustafa Billah Shah urung pukul 5 lemai tadi.
Dulu ari nya, Datuk Pengelola Bijaya Diraja Istana Negara, Datuk Seri Ahmad Fadil Shamsuddin madahka, pemutus nyiri menteri besai ke-10 nya dijapai pengudah Randau Khas Agong begulai enggau Raja-Raja Melayu.
Ku Ahmad Fadil, randau khas nya ngujungka Agong nyiri siku ari Kaban Parlimen ti bulih sukung majoriti ari Kaban Parlimen nyadi Menteri Besai seriris enggau Pekara 40 (2) (a) enggau Pekara 43 (2) (a) Perlembagaan Persekutuan.
Pengawa beradat nyiri enggau angkat sumpah pangku pengawa enggau penaluk sereta sumpah nyimpan resia Anwar Ibrahim nyadi Menteri Besai udah mujur dipejalaika ba Istana Negara.
