KUCHING, 22 Nov: Rang Undang-undang (RUU) Perlembagaan Negeri Sarawak (Pindaan) (No.2) 2022 ke betuju nagang pengari rayat ari merejuk parti udah dikemendar ba aum Kunsil Nengeri (DUN) sehari tu.
Sapit Menteri ba Opis Premier Sarawak (Undang-Undang, MA63, Kaul Sarawak-Perintah Besai), Datuk Sharifah Hasidah Sayeed Aman Ghazali madah, maya mantaika Rang Undang-undang nya ba Kunstitusyen Nengeri patut diubah pengudah Parlimen ngemendarka Rang Undang-undang Perlembagaan (Pindaan) 2022 kena 28 Julai taun nyin kemari.
Iya madah Rang Undang-undang Perintah Besai udah ngubah Taga Kelapan Kunstitusyen Perintah Besai, endang ‘ungkup besai’ ke mesti dititihka semua undang-undang betulis nyengkaum Kunstitusyen Sarawak.
“Beduduk ari ubah endang dalam ‘ungkup besai’ dibaruh Taga Kelapan Kunstitusyen Perintah Besai, endang patut ungkup Kunstitusyen Nengeri ke ngembuan ungkup ke sebaka tauka ngembuan pangka ke sama enggau enda besibil enggau ungkup besai baka ke udah ditaga ba baruh Perkara 71(4) Perlembagaan Persekutuan,” ku iya.
Sharifah Hasidah madah, ubah RUU tu endang atur progresif enggau proaktif perintah Gabungan Parti Sarawak (GPS) dalam mekuh enggau numbuhka Perintah Nengeri ke tegap.
Ubah tu entara bukai nambahka Perkara 16B enggau muai klausa (6) enggau (7) dalam Perkara 17 ke udah bisi dalam Kunstitusyen Nengeri Sarawak.
Tandu iya mega, pengawa nya ukai semina enggau bebasaka mandat rayat nengah sistem demokrasi, tang mega ulih ngetanka integriti politik dalam ngatur nengeri.
“Uabh RUU yu endang patut diteritka ba Kunsil Nengeri Nengeri (DUN) Sarawak dikena nentuka mandat rayat ke udah diberi seruran dijaga, nyengkaum integriti kitai ke nyadi pengari rayat.
“Pengawa bejalaika RUU tu deka nentuka penegap politik sereta ulih nyeliahka penyarut politik ke nadai nemu badu nyadi, kelimpah ari nya pengawa ngubah RUU tu endang mesej ke terang ngagai semua pengari rayat ke bulih mandat rayat ngambika bepegai teguh ngagai prinsip parti ke diari kelimpah ngelindung pengarap besai ke udah diberi rayat maya pengawa bepilih besai,” ku tandu iya. – TVS
