KUALA LUMPUR, 21 Nov: Yang di-Pertuan Agong, Al-Sultan Abdullah Ri’ayatuddin Al-Mustafa Billah Shah setuju endur ketuai parti politik mantaika gempung parti-parti politik enggau nganjung nama chalun Menteri Besai ke-10 dilanjar nyentuk pukul 2 lemai pagila (Hari Dua).
Datuk Pengelola Bijaya Diraja Istana Negara, Datuk Seri Ahmad Fadil Shamsuddin madah, peminta Seri Paduka nya beduduk ari peminta ke diterima Istana Negara ari tuai-tuai politik enggau gempung parti politik sehari tu.
“Yang di-Pertuan Agong mega mansutka tangkan atur menua agi bejalai baka selama dibaruh iring Menteri Besai Sementara bepelasarka prinsip – prinsip ke udah diberi ngagai Perintah Sementara,”ku iya nengah sebengkah penerang media. -TVS
