PUTRAJAYA, Nov 20: Serak tu nadai sebarang parti politik mujur bulih undi majoriti ba Pengawa Bepilih Besai ke-15 (PRU).
Chairman Komiti Pengawa Bepilih Besai (SPR), Tan Sri Abdul Ghani Salleh madah nadai sebarang parti ke bulih lebih ari 50 peratus ari 219 penuduk ke ditanding.
Dulu ari nya, semua penuduk diperebutka ba PRU-15 iya nya 222, tang pemutus ungkup tiga sitak bedau dipadah serak tu laban pengawa bepilih ba sitak nya ditangguhka dulu.
Sitak tu iya nya P.017 Padang Serai beduduk ari pemidang chalun Pakatan Harapan (PH) M. Karupaiya enggau P.168 Kota Marudu sereta P.220 Baram ketegal gaya hari.
“Peratus undi ungkup Parlimen iya nya 73.89 peratus, sebedau nyengkaum tiga sitak nya” ku Abdul Ghani nengah sebengkah aum pemberita.
Naka pukul 4:30 pagi tadi, Pakatan Harapan (PH) pemadu mayuh penuduk iya nya 76 penuduk, ditangkan Perikatan Nasional (51) enggau Barisan Nasional (30).
Gabungan Parti Sarawak (GPS) enggau Parti Islam Se-Malaysia (PAS) bela menang 22 kerusi.
Berebak enggau nya, parti Gabungan Rakyat Sabah (GRS) menang enam penuduk enggau Parti Tindakan Demokratik (DAP) menang lima.
Parti Warisan Sabah (Warisan) menang tiga penuduk, Parti Ikatan Demokratik Malaysia (Muda) enggau Parti Bangsa Malaysia bela enang siti enggau chalun bibas (2). – TVS
