LINGGA, 12 Nov: Perintah Sarawak deka berunding dulu sebedau netapka hari kemisi khas kena 18 November tu ulih digazet,ku Premier Sarawak Datuk Patinggi Tan Sri Abang Johari Tun Openg.
“Nama pekara ke nyadi, ekonomi kitai deka tebunsa, enti kitai ngazet kemisi, pengaji nyau bebayar dua kali lipat ngagai pengereja pengawa.
“Tu mega deka ngujungka ungkus belanja niki nyerumba pendiau ekonomi ti enda tentu, aku ngasai enda patut, kitai deka berunding dulu senentang pekara ke ulih ngeruga ekonomi kitai, produktiviti mega deka nurun, pekara tu ti deka ditapi,” ku iya.
Iya madah munyi nya maya aum pemberita pengudah bejadika Program Sarawakku Sayang ba Pelaman Pasar Lingga ditu, kemari.
Tandu iya, Sarawak semina deka ngerah kemisi nyema udah enda tau enda, hari ngundi iya nya kena 19 November lalu ukai 18 November.
“Aku enda bedanji tang deka berundingka pekara nya enggau manah laban aku nemu pangka iya,” ku iya. – TVS
