KUCHING, 7 Nov: Perintah Sarawak deka menua tu diiring perintah ti kering enggau tegap pengudah beberapa taun diayah pia aja.
Chairman Gabungan Parti Sarawak (GPS), Datuk Patinggi Tan Sri Abang Johari Tun Openg madah, perintah patut nyaran ngagai pejalai polisi enggau servis pemadu manah dikena mantu rayat di menua tu.
“Lebih agi maya 2023 nyentuk 2024, kitai nyangka deka betapi enggau pemar ekonomi ke lebih pedis,” ku iya.
Iya madah munyi nya ba aum pemberita pengudah Pengawa Bejadika Manifesto GPS ba Palan Aum Borneo Kuching (BCCK), ditu malam tadi.
Tandu Abang Johari, dunya mega napi pengusut ekonomi lalu meri pangka ngagai Malaysia, nyengkaum Sarawak.
“Enggau nya, kitai patut bisi polisi ti meri bekau enggau meri pemaik dikena nyungkak ekonomi Sarawak,” ku iya.-TVS
