KANOWIT, 5 Nov: Chalun Gabungan Parti Sarawak (GPS) Datuk Aaron Ago Dagang deka ngelaban lima iku chalun dalam ngetanka kerusi Parlimen Kanowit ungkup Pengawa Bepilih Besai Ke-15 (PRU15).
Ku Pegawai Pengawa Bepilih sitak Parlimen Kapit, Jacqualine August Jaha madah, kelimpah ari Aaron chalun bukai ke bela minta pilih iya nya Mohd Fauzi Abdullah ngarika Parti Pakatan Harapan (PH-PKR) enggau tiga iku chalun bibas iya nya Micheal Lias, Chen Nguk Fa enggau Elli Luhat.
Datuk Aaron ke mega penyandang kerusi nya nyadi chalun ti keterubah nyerahka pom urung pukul 9.05 pagi seraya disempulang penchadang iya, Ron anak Ugai enggau penyokong Ugap anak Seribu.
Urung 1000 penyukung bisi datai ngulu palan ngantung nama ba Opis Pelilih Kanowit ari pukul 7 pagi ke kelai sukung ngagai chalun ke disukung sida.
Ungkup penemu, penyampu pengundi di Parlimen Kanowit iya ny 30,988 iku lalu pemesai sitak Parlimen Kanowit iya nya 2,187 kilometer persegi enggau penyampau peranak 24,700 iku.
Pia mega Parlimen Kanowit bisi dua Kunsil Nengeri (DUN) iya nya, DUN Ngemah enggau DUN Machan. -TVS
