KUCHING,5 Nov: Urung 92 iku chalun sah bediri minta pilih ba Pengawa Bepilih Besai Ke-15 (PRU-15) ngerebut 31 penuduk Parlimen di Sarawak.
Pengawa Ngantung Nama Chalun tembu dipejalaika ba semua palan ngantung nama tengahari tadi. Ari penyampau nya, Gabungan Parti Sarawak (GPS) ngirai chalun ba semua 31 penuduk.
Udah nya, Pakatan Harapan bisi nganjung chalun ba 30 penuduk, lalu 11 iku chalun bibas bediri ba semilan penuduk.
Pia mega, Parti Sarawak Bersatu (PSB) bisi ngirai 10 iku chalun, Pakatan Nasional (PN) ngirai empat iku chalun, Parti Bansa Dayak Sarawak (PBDS) ngirai tiga iku chalun, Â Parti Bumi Kenyalang (PBK) ngirai siku chalun lalu Parti Sedar enggau Parti Bangsa Malaysia bela ngirai siku chalun.
Semua chalun tu deka berengkah kimpin sehari tu nyentuk tengah malam 18 November sebedau sida dipilih nyadi pengari rayat hari siti kena ke 19 November tu. -TVS
