KUCHING: Sekeda jalai besai ngaul 12 sitak Parlimen deka ditutup sementara dikena nentuka pengawa ngantung nama chalun Pengawa Bepilih Besai Ke-15 (PRU-15) ke dipejalaika pagila lanchar.
Kepala Polis Sarawak Datuk Mohd Azman Ahmad Sapri nengah sebengkah aum pemberita madah, Parlimen ke bekaul tu iya nya Limbang, Serian, Mas Gading, Kota Samarahan, Sri Aman, Saratok, Santubong, Petra Jaya, Bandar Kuching, Sarikei, Padawan, Miri, Lawas enggau Kanowit.
Ku iya, bisi 12 Indu Opis Polis Pelilih (IPD) udah ngaga penyikap endur nutup jalai nya.
Entara jalai ke ditutup tu iya nya Jalai Penyiaran, Limbang ungkup pengawa ngantung nama chalun ba Dewan Suarah Limbang, Jalai Tangga ByPass Serian ungkup pengawa ngantung nama chalun ba Pusat Pentadbiran Kerajaan Sarawak Bagi Menua Serian, Jalai Lee Koi Chun ungkup pengawa ngantung nama chalun di Dewan Suarah Bau.
Kelimpah ari nya, Jalai Kampung Tanjung Bundong ba mua Dewan Suarah Kota Samarahan ditutup dikena ngemujurka atur ngantung nama chalun.
Di Sri Aman, Jalai Resak nuju Jalai Main Bazaar ditutup ungkup pengawa ngantung nama chalun ba Opis Pelilih Sri Aman lalu di Saratok, Jalai Ong Ho san, Jalai Pembangunan enggau Jalai Abu Talip ditutup ungkup pengawa ngantung nama chalun ba Dewan Masyarakat Sri Krian.
Di Kuching, pengawa nutup jalai ngaul Jalai Kemahiran ungkup pengawa ngantung nama chalun Parlimen Santubong, Dewan Sri Merpati, IKM Kuching, Jalai Duranta ungkup pengawa ngantung nama chalun Parlimen Petra Jaya di Dewan Al-Muneerah SMK Petra Jaya enggau nutup Jalai Padungan (simpang tama ke MBKS) enggau Jalai Tan Sri Datuk William Tan (simpang tama ke MBKS) ungkup palan ngantung nama chalun Parlimen Bandar Kuching di Dewan Masyarakat Padungan.
Pengawa nutup jalai ungkup palan ngantung nama chalun Parlimen Sarikei ngaul Jalai Sentral-Jalai Repok, Jalai Wharf-Jalai Market, Jalai Sentral (Belakang Balai CPS), Jalai Nyelong-Jalai Repok, Jalai Nyelong ( Sepiak TM) Semak SImpang Tama Jalai Berek enggau Jalai Getah ( Belakang MDS).
Nangkan ke nya, IPD Padawan nutup jalai sepiak kiba enggau kanan Jalai Kampung Siburan ungkup pengawa ngantung nama chalun ba Opis Pelilih Siburan.
Di Miri, Jalai Kuala Baram By Pass (nuju ke Permyjaya) berengkah ari simpang Jalai limu ke simpang Jalai Tudan ditutup ungkup pengawa ngantung nama chalun ba Dewan Interim, ILP Miri.
IPD Lawas mega deka nutup jalai KM 1, Jalai Trusan Bypass Opis Kaunsil Pelilih Lawas ungkup pengawa ngantung nama chalun ba Opis Pelilih Lawas.
Nangkan ke nya, IPD Kanowit nutup Jalai Kanowit-Durin ungkup pengawa ngantung nama chalun Opis Pelilih Kanowit.-TVS
