MUKAH, 2 Nov: Siku orang tuai bebadi nyawa pengudah motosikal ke ditepan iya dipelabaka kena lantak sebuah kerita ari belakang ba Kilometer 121 Jalai Sibu-Bintulu ditu, lemai Hari Dua.
Ba penusah ke nyadi pukul 1 ngalihari nya, tudah ba rantau jalai ngena motosikal kediri datai ari Selangau deka tama simpang rumah Ingga Sigan sebedau ke dilantak sebuah kerita ke nguji ngelih ari belakang.
Tuai Polis Pelilih Mukah, Deputi Superintendan (DSP), Muhamad Rizal Alias madah, beduduk ari penyadi nya tudah orang tuai nya tepelasit ngagai parit sereta balat bakal ba pala enggau patah kaki kanan.
“Tudah ke bebadi iya nya Sandai Mengong, 61, dikenuku ke raban Perubat Klinik Pengerai Sungai Arip bebadi nyawa ba palan penusah nyadi,” ku iya nengah sebengkah penerang sehari tu.
Ku iya, tubuh tudah udah dibai ngagai Sepital Mukah ungkup pekara bekaul.
“Deriba ke beumur 21 taun ke mega Menijar Supermakit bekaul udah ditan nengah Seksyen 112 laban dipelaba ngereja pengawa nitihka Seksyen 41(1) Akta Pengangkutan Jalan (APJ) 1987, ” ku iya -TVS
