KUCHING, 11 Ogos: Tubuh siku lelaki orang lunggar umur ditemu melepu ba tebing sungai Sarawak di Kampung No.6 Jalai Patingan, pagi tadi.
Nitihka penerang, lelaki tu beumur 80 taun ke mega pemegai Kad Orang Timpang Pendiau (OKU) ti napi penanggul bengal.
Tudah ditemu raban pekereja ari Opis Sungai Sarawak (LSS) urung pukul 11.30 pagi lebuh Hari Empat.
Maya ditemu, tudah dipeda ngena baju batik enggau tanchut bechura kelabu melepu ba tebing sungai.
Bangkai tudah lalu diserahka ngagai raban polis ngambi ulih bejalaika atur ke patut.
Dulu ari tu, siti ripot polis udah digaga ba balai polis Satok ti ngeripotka pengelenyau iya kena 9 Ogos tu tadi.
