LUBOK ANTU, 16 Julai: Sekula Sekondari (SMK) Lubok Antu udah mujur champion ba Pekit Main Bol Nembiak 18 Taun Ke Baruh (TKB) Renggat Bagi Menua Sri Aman ti diatur di Padang sekula SMK Lubok Antu lemai kemari.
Ku jurulatih SMK Lubok Antu, Pengajar Sambau madah, SMK Lubok Antu menang pengudah ngalahka tim ari SMK Engkilili enggau mata 5-0 ke diatur ari 12 nyentuk 15 Julai tu tadi.
“Tuju pekit tu diatur dikena milih pemain 18 taun ke baruh ngari ke sitak Sri Aman ba pekit main bol renggat nengeri di Bintulu ila,” ku iya lebuh dirandau pengarang berita TVS, kena Hari Enam.
Penunduk ke lumur tiga ba pekit main bol tu pulai ngagai SMK Simanggang ke udah ngalahka SMK Sri Aman.
Ke lansa, bisi 7 buah sekula ngambi bagi dalam pekit main bol renggat bagi menua Sri Aman ungkup ke taun tu.
Entara sekula tu iya nya Smk Lubok Antu, SMK Simanggang, SMK St Luke, SMK Melugu, SMK Sri Aman, SMK Engkilili enggau SMK Lingga.
Bisi 18 iku nembak udah dipilih ngarika Sri Aman ke renggat nengeri di Bintulu kena ke 22 nyentuk 28 Julai ila.
