KUALA LUMPUR, 25 Jun: Bayar elawin warden di sekula buding ba baruh Opis Menteri Pelajar (Kpm) deka ditikika ngagai 25 peratus pengudah enda dikemaruka kenyau taun 1997.
Menteri Kanan Pelajar, Datuk Mohd Radzi Jidin madahka, bayar elawin ungkup tuai warden sekula ditikika ngagai RM350 sebulan enggau warden RM300 sebulan.
“Pemutus taka baru bayar warden buding tu deka berengkah kena 1 Ogos 2022 ,” ku iya dalam siti video ti dibantaika nengah laman facebook iya.
Kelimpah ari nya, Radzi madahka KPM mega deka nambahka portfolio warden di 1,874 buah sekula buding di serata menua.
“Penyampau warden sekula buding di sekula ba baruh KPM deka ditambah ngagai 3,813 iku.
“Tu nandaka bisi penambah 63 peratus ari 6,055 iku warden ngagai 9,868 iku warden,”ku iya.
Ku iya madah, pemutus nambahka penyampau warden enggau nikika bayar elawin warden tu deka ngemudahka tangkup pengawa sida di semua sekula buding.
