KUCHING, 13 Jun: Bukit Mabong di Sungai Tunoh ti bepalan lebih kurang 80 kilometer ari mengeri Kapit ulih nyadi palan pematak temuai ke baru.
Kaban Parlimen Hulu Rajang, Datuk Wilson Ugak Kumbong madahka, kandang menua nya engkeman nyadi palan ungkup aktiviti niki bukit tauka aktiviti ‘hiking’.
Ku Ugak madah, pelilih Bukit Mabong tu ulih dikemansangka nengah sektor dagang temuai laban ngembuan rampa menua ti chukup manah alai ngelantangka ati.
“ Kitai ulih ngaga aktiviti niki Bukit Mabong di Sungai Tunoh ti nyadi palan pematak temuai ke baru nengah industri dagang temuai,” ku iya lebuh dirandau pengarang berita TVS bedau lama ti udah.
Nya alai, iya ngarapka ejensi ke bekaul ulih ngangkat manah infrastrakcha di pelilih nya
Ku iya madah, tu ulih nyungkak ekonomi peranak kandang menua nya seraya ngeranchakka agi sektor dagang temuai di nengeri tu.
