KUCHING, 8 Jun: Tabung bekal darah di sepital endang semampai begunaka stok darah ke chukup ba pengawa perubat.
Beduduk ari nya, mensia mayuh diperansang datai meri darah, laban pengawa tu ulih mantu nyelamatka nyawa mensia sereta manah ungkup pengerai siku-siku orang ke meri darah.
Naka ke diatu, semua bansa darah bisi kurang laban mensia mayuh ke datai meri darah enda mayuh.
Pekara tu dipadahka Dr Abu Sufian Ahmad, pakar perubat transfusi.
“Pukul rata meri darah deka kitai deka dikemanahka agi. Ambika chunto, rayat Sarawak semina bisi 1.9 peratus aja peranak kitai meri darah enti dibanding enggau nengeri bukai iya nya bisi 2.1, 2.2 peratus. Kitai deka nyaran 3.0 baka ke dipadahka WHO.
Berebak ari nya, Dr Ahmad merangsang mensia mayuh lebih agi raban nembiak sereta sida ke enda kala meri darah, datai meri darah ngambika bekal darah di Sarawak seruran chukup seraya sida ke meri darah ulih meresa tikas pengerai diri.
“Nyadi aku deka ngambi peluang tu meransang raban nembiak, raban ke enda kala meri darah datai meri darah baka ke dipadahka hos tadi, meri darah kitai nengah sekeda chara ke patut enggau kitai meresa pengerai diri,” ku iya.
Iya madah munyi nya rambau dirandau ba dalam program Sejahtera Asia ti dipansutka TVS lebuh pagi hari tiga. – TVS
