KUCHING, 23 Mei: Bisi empat rumah panjai di pelilih Song diatu udah disediaka akses bungkur internet sementara nengah Teknologi Very Small Aperture Terminal (VSAT) ba baruh inisiatif wifi saluran.
Ku Sapit Menteri Utiliti enggau Telekomunikasyen, Datuk Liwan Lagang madahka, bungkur internet 4G di pelilih sSng udah dikemanahka tikas enti dibandang ke sebedau tu.
Empat buah rumah panjai ke nerima pemaik ari perengkaguna tu iya nya Rumah Guntor Takan, Song; Rumah Sidi (Ng Nayai, Ulu Katibas); Rumah Lucy (Ng. Lanang, Tekalit); Enggau Rumah Api (Ng Terusa, Ulu Katibas).
“Pengawa ngemanahka pengawa tu dijangka dipejalai pengudah tembu program ngemesaika akses bungkur internet ba baruh inisiatif SMART enggau JENDELA ba taun baru ari SMA, MCMC enggau SDEC,”ku iya.
Iya mansutka jaku nya ba aum media Kunsil Nengeri (DUN) Sarawak ke-19 lebuh Hari Satu.
Ku iya nambah, bisi tiga buah menara udah digaga ba baruh SMART renggat 1 iya nya Nanga Lanang Enggau Nanga Barok Di Tekalit, Song Sereta Nanga Banjor, Song.
Pengawa nirika menara telekomunikasyen tu sebagi ari chara dikena mutarka isu internet ba kandang menua nya.
