KUCHING, 17 April: Nadai agi vaksin pechuma diberi ngagai nembiak ke beumur lima nyentuk 12 taun limpas ari 15 Mei tu.
Pekara nya nyemetak dipadahka Sapit Premier Sarawak, Datuk Sri Dr Sim Kui Hian.
Ku Dr Sim madah, sebedau tu perintah udah meri vaksin pechuma ngagai nembiak mit ke beumur lima nyentuk 12 taun nengah Program Betuchuk Vaksin Covid-19 Menua Nembiak Mit (PICKids).
Sepenyampau 286,000 nembiak mit ari raban nya udah nerima dos satu enggau 46,000 ribu iku nembiak udah nerima dos kedua naka kemari.
“Taja pia, agi begunaka 8,000 iku nembiak mit dikena nyapai 80 peratus udah betuchuk vaksin enggau 66, 000 agi nyapai 100 peratus,” ku iya maya dirandau ba sebuah stesen radio kemari.
Nya alai, apai indai diperansang mai anak sida betuchuk vaksin pechuma seagi servis nya bisi disediaka.
