KUCHING, 16 April:Tuai raban bansa nyengkaum komuniti keluarga malaysia megai tanggungpengawa nyadi ‘jematan’ ngagai perintah meri penerang ke betul bekaul polisi perintah ngagai rayat.
Menteri Dagang Temuai, Seni Enggau Main Asal (MOTAC) , Dato Sri Nancy Shukri madahka, nya kebuah tuai raban bansa mesti nemu bejalaika pengawa sida.
Nengah laman facebook rasmi iya, Nancy madah, tetiap penerang ke pemadu baru patut dikerembai enggau datai ke rayat.
Iya ke mega Kaban Parlimen Batang Sadong madahka, tuju tu dikena nyeliahka saru penemu ti ulih nempa runding ke negatif ngagai rayat.
Ambi ke banding, tebal agi ba semua pelantar media rama.
Dulu ari tu, Nancy bisi ngulu pengawa Berambeh di Ssimunjan ba Program Taklimat Isu Semasa @ Komuniti Keluarga Malaysia Pelilih Simunjan ke diatur Opis Pemadah Pelilih Simunjan.
Beserimbai enggau program nya, iya bisi ngagihka bubur lambuk ngagai peranak kandang endur nya.
