KUCHING, 21 Mac: Sarawak kena Hari Satu ngerikodka tiga kes pemati ketegal Covid-19 ti ngaul indu ke beumur entara 57 nyentuk 86 taun.
Komiti Mutarka Penusah Ngenyit Nengeri (JPBN) Sarawak dalam siti penerang madahka, kes pemati ti dirikodka tu bisi sejarah penyakit komorbid.
Ba awak ke sama, JPBN madahka bisi 813 kes positif baru Covid-19 dirikodka di Sarawak.
Ari penyampau nya, 805 kes ba baruh kategori 1 enggau 2 lalu 8 kes ba ketegori 3, 4 enggau 5 ti nyadika penyampau kes kumulatif nambah ngagai 288,660 kes.
Kuching mengkang ngerikodka kes ninting hari positif Covid-19 pemadu tinggi enggau 277 kes, ditangkanka Miri 128 kes enggau Bintulu 72 kes.
Nangkanka nya, bisi enam kluster bedau pukas naka ke diatu.
