KUCHING, 29 Jan: Menteri Dagang Temuai, Seni Enggau Main Asal Malaysia , Datuk Sri Nancy Shukri mandangka Tuai Megai Menua Sarawak ke lama, Niang Tun Pehin Sri Abang Muhammad Salahuddin Abang Barieng siku tuai ti ngemeratka ba pekara pelajar anak Sarawak.
Pemidang niang pengelenyau ke besai ngagai rayat Sarawak ti udah mayuh mantu ba pemansang nengeri Sarawak.
“Pemanah budi niang endang seruaran dikenang rayat Sarawak lebih agi lebuh iya ngemeratka ngemeratka pekara pelajar anak Sarawak enggau dalam aktiviti volunteer,” ku iya dalam laman facebook rasmi iya sehari tu tadi.
Nancy Shukri ke mega Kaban Parlimen, Batang Sadong mandangka niang ngembuan ati siru ke rayat, kemerah enggau mudah dikaul mensia mayuh.
Ke rikod, niang Tun Abang Muhammad Salahuddin nempa sejarah nyadi tokoh ti keterubah di Sarawak kena 2 April 1977 lalu kala mangku pengawa nyadi Tuai Pemegai Menua dua kali.
