KUCHING, 23 Jan: Gerempung Tuai Raban Bansa Iban (PKMI) sri aman udah mujur ngatur aum besai ke-15 di Restoran Golden City, kemari.
Bisi 95 iku Tuai Komuniti Enggau Tuai Raban Bansa (KMKK) ngulu aum nya, ke tuju milih komiti besai bagi timpuh 2022/2023.
Kaban Kunsil Nengeri (ADUN) Simanggang, Datuk Francis Harden Hollis madah, ba aum nya mega bisi berandauka sekeda pekara enggau nerangka polisi ti dibai perintah ngagai raban KMKK.
Harden ke mega Menteri Muda Pemansang Pengelandik, Opis Menteri Pelajar, Inovasyen enggau Pemansang Pengelandik (MEITD) Sarawak ngarapka semua raban tuai bansa bejalaika pengawa sida ti nyadi jematan perintah enggau manah dalam nerangka polisi ti dibai perintah ke rayat.
Ba awak ke sama, Sapit Residen Bagi Menua Sri Aman Elvis Didit minta gerempung ngambi inisiatif ngatur kus sentang tuju sekeda Seksyen Adat Iban 1993 sekalika agi relevan tauka enda bepelasarka gaya idup kemaya hari tu.
Harden meri puji enggau ngarap rintai komiti ke dipilih bagi timpuh 2022-2023 terus senaka ulih bejalaika servis ke manah.
