KUALA LUMPUR, 19 Jan: Bisi 127,066 iku pengani besai tuai di menua tu udah nerima dos penyungkak vaksin COVID-19 naka kemari, lalu nyadika penyampau kumulatif dos penyungkak ke udah diberi nambah ngagai 9,744,147 tauka 41.6 peratus naka pukul 11.59 malam tadi.
Nitihka ripot ari Bernama, bepelasarka data ari Opis Menteri Pengerai (KKM) nengah laman COVIDNOW, bisi 22,909,192 iku tauka 97.9 peratus pengani besai tuai udah nerima dua dos vaksin.
“Bisi 23,188,245 iku tauka 99.1 peratus pengani besai tuai udah nerima satu dos vaksin COVID-19.
“Nangkan ke nya, pengani raban nembiak ke beumur 12 nyentuk ke 17 taun bisi 2,774,961 iku tauka 88.2 peratus udah nerima dua dos vaksin,” ku penerang nya madah.
Bisi 2,861,715 iku tauka 91 peratus udah nerima satu dos vaksin COVID-19.
Kelimpah ari nya, statistik ninting hari mandangka 129,597 dos vaksin udah diberi naka kemari ti ngaul 1,043 dos satu enggau 1,488 dos dua ti nyadika penyampau kumulatif vaksin ke udah diberi nengah Program Betuchuk Vaksin COVID-19 Menua (PICK) nambah ngagai 61,275,453.
