KUCHING, 30 Dis: Kepala Menteri, Datuk Patinggi Tan Sri Abang Johari Tun Openg sehari tu tadi udah mantaika rintai kabinet baru Sarawak.
Ba rintai kabinet baru tu bisi 10 iku menteri enggau 26 iku menteri muda udah dichiri.
“Rintai kabinet baru tu iya nya 10 menteri enggau 26 menteri muda. tikas pemujur pengawa kaban kabinet tu deka diperatika enggau dianalisis ba suku keterubah 2022,” ku iya ba aum media rintai kabinet sehari tu tadi.
Abang Johari megai tiga iti portfolio iya nya Menteri Pekara Wang Enggau Ekonomi Baru, Menteri Pemansang Mengeri enggau Pengeraja Asal Sereta Menteri Bekal Kuasa enggau Pemanah Rampa Menua.
Nangkanka ke nya, bisi tiga iku sapit kepala menteri dichiri iya nya Kaban Kunsil Nengeri (Adun) Bukit Saban, Datuk Amar Douglas Uggah Embas, Adun Bukit Sari, Datuk Amar Awang Tengah Ali Hasan enggau Adun Batu Kawah Datuk Seri Dr Sim Kui Hian.
