KUCHING, 30 Dis: Presiden Parti Sa’ati Rayat Sarawak (SUPP) Dr Sim Kui Hian entara siku dichiri nyadi Sapit Kepala Menteri II ba rintai kabinet baru Sarawak ti dipadahka Kepala Menteri Datuk Patinggi Tan Sri Abang Johari Tun Openg lemai tadi.
Tu bepelasarka ba pemujur iya ti udah mai SUPP menang ba 13 kerusi maya pengawa bepilih nengeri (PRN) ke-12 Sarawak tu tadi.
Dr Sim ke mega Kaban Kunsil Nengeri (Adun) Batu Kawa udah nyaganka servis ti pemadu manah mai pemansang dalam timpuh lima taun ke udah ba sitak iya nyentukka Batu Kawa jauh mansang enti dibanding ke suba.
Nangkanka nya, Datuk Amar Douglas Uggah Embas enggau Datuk Amar Haji Awang Tengah Ali Hasan dichiri baru nyadi sapit kepala menteri.
