SARATOK, 15 Dis: Kepala Menteri, Datuk Patinggi Abang Johari Tun Openg meri puji ba pemujur semua Kaban Parlimen ti udah mujur ngemendarka Rang Undang-Undang (RUU) Ubah Perlembagaan Persekutuan ti bekait enggau Sempekat Malaysia (MA63) di Dewan Rakyat kena Hari Dua, kemari.
Ku iya madah, pemujur nya ngayanka penuduk Sabah enggau Sarawak dalam Persekutuan Malaysia ulih ditegapka agi.
“Tu mih pengarap ati kami di Sarawak engka kaban kitai di Sabah kedeka ba dalam Perlembagaan Persekutuan nya,” ku iya.
Iya mansutka jaku nya pengudah nyerahka Warta Rizad Komunal Bumiputera enggau surat pala tanah ngagai penerima di Roban Selatan.
Kelimpah ari nya, pemujur nya mega kelai Gabungan Parti Sarawak endang bebendar negika hak baka ti udah dalam MA63 nitihka undang-undang.
“Kitai nuntut laban ngetanka hak ke udah diputuska dalam Perjanjian Malaysia nengah undang-undang.Aku meri terima kasih ba pengelurus undang-undang nya dijaga. Tu entara chara kitai GPS ngetanka Sarawak,” ku iya.
Kelimpah ari nya, TVS bisi mega mansutka program khas pasal Sempekat Malaysia 1963 tauka MA63.
Program khas tu ulih dipeda nengah pautan tu:
