KUALA LUMPUR, 14 Dis: Menara Kuala Lumpur udah ngelancharka ‘Tower Walk 100’ ti keterubah di Malaysia bepontensi nyadi pematak baru sektor dagang temuai menua tu.
Menteri Dagang Seni enggau Main Asal, Datuk Seri Nancy Shukri madah, tu deka mantu ngeranchakka baru sektor dagang temuai kelimpah nyungkak ekonomi menua.
“Malaysia tebilang di serata dunya nengah mayuh macham produk pematak dagang temuai seni enggau budaya. Menara Kuala Lumpur iya nya menara ketujuh tetinggi di dunya deka nyadi sebuah mercu tanda ikonik enggau kelai negapka Malaysia nyadi palan temuai di dunya,”ku iya.
Iya mansutka jaku nya ba aum media maya pengerami bejadika ‘Tower Walk 100’ beserimbai enggau ngintu penumbuh Menara Kuala Lumpur Ke-25 taun ditu, sehari tu.
Ku iya madah, pengawa tu deka ngayanka Keluarga Malaysia bisi enggau nyukung mngeranchakka baru ekonomi menua nengah aktiviti dagang temuai domestik.
Ke penerang mega, Tower Walk 100 tu ba peniki 100 kaki enggau nyendiaka aktiviti bejalai 360 darjah ngelingi Tower Menara Kuala Lumpur seraya meda pemanah rampa menua.
