SARAWAK, 13 Dis: Polis Diraja Malaysia (PDRM) ngelanjarka timpuh meri diskaun mayar saman nyentuk 31 Disember 2021.
Ku tuai polis menua, Tan Sri Acryl Sani Abdullah madah, tu ketegal raban PDRM nerima sambut ti manah ari mensia mayuh.
Ku iya madah agi, semua kaunter ba serata Opis Indu Polis Pelilih enggau Opis Indu Polis Kontinjen Nengeri mega deka dibuka seretai dikena bejalaika pengawa nya.
Berindik ari penyekut mensia mayuh, pekara tu meri penanggul ngagai semua orang dalam ngasika Standard Atur Pengawa (SOP) baka nyaga seraka fizikal.
Nya alai, timpuh diskaun saman dilanjar dikena meri timpuh ngagai mensia mayuh ngambika enda besekut di kaunter serata menua.
Berindik ari nya, iya mega nerima ripot senentang apklikasyen bayar saman bisi penanggul ti ngujungka enda ulih diakses mensia mayuh.
Iya mega bisi minta ngagai DIrektor Opis Tasat enggau Penerit Atur Trafik Bukit Aman, Datuk Mat Kasim Karim dikena nambah penyampau kaunter di setiap IPS enggau IPK serata menua.
Acryl Sani mega madahka diatu sepenyampau 2.3 juta saman trafik udah tembu dibayar enggau penyampau RM109 juta naka 12 tengahari hari minggu.
