BATANG AI, 6 Dis : Kerusi Kunsil Nengeri (DUN) Batang Ai bisi empat iku chalun betanding ba Pengawa Bepilih Nengeri (PRN) Ke-12 Sarawak.
Chalun Gabungan Parti Sarawak (GPS) kerusi Kunsil Nengeri (DUN) Batang Ai, Datuk Dr Malcolm Mussen Lamoh bediri ngelaban chalun ari Parti Sarawak Bersatu (PSB), William Nyalau Badak, Parti Bumi Kenyalang (PBK) Usop Asun enggau chalun Bebas, John Linang Mereejon ba sitak nya.
Datuk Dr Malcolm Mussen Lamoh, 60 datai ba Palan Ngantung Nama Chalun (PPC) di Komplek Sukan Lubok Antu kira-kira pukul 9.08 pagi tadi.
Nangkanka nya, chalun ari PSB, William Nyalau Badak, 70, datai ba palan PPC urung pukul 8.20 pagi enggau chalun PBK Usop Asun, 53 datai 8.02 pagi.
Chalun Bebas iya nya John Linang Mereejon , 62 bekenaka baju tradisi Iban entara ke pemadu tumu datai ba Palan PPC urung 6.30 pagi tadi.
Ba PRN ke-11 (PRN-11) DUN Batang Ai Datuk Dr Malcolm Mussen Lamoh menang enggau majoriti 3,186 undi ngalahka chalun PKR, Kolin Liong ti semina bulih 1,698 undi.
