KUALA LUMPUR, 3 Disember: Varian pemadu baru Covid-19 iya nya Omicron balat ngirauka ati serata dunya ti keterubah ditemu di Afrika Selatan.
Menteri Pengerai, Khairy Jamaluddin madahka, Malaysia ngerikodka kes keterubah varian Omicron ti ngaul siku nembiak ke bisi rikod pejalai ari Afrika Selatan.
“Asil ari peresa PCR genotyping Assay, siti ari sample udah ditemu dipelaba BOC Omicron, ‘jujukan genom’ ke bukai mega diperesa kemari enggau pemutus ditemu positif varian omicron kena 2 Disember kemari. Kes tu ngaul siku temuai peranak menua luar beumur 19 taun ke datai ari Afrika Selatan nengah Singapura kena 19 November, tu sebedau WHO madahka pasal BOC omicron enggau sebedau kitai neritka agi garis entara menua ti enda ngemendarka peranak menua luar ari sekeda menua tama,” ku iya ba aum media sehari tu.
Ku iya nambah, individu nya diatu udah dipinta bejalaika kuarantin.
Pia mega, kontak semak mega udah disidi enggau pengudah diperesa pemutus ditetapka negatif.
