KUCHING, 30 November: Bangkai siku nembiak mit lelaki ti bisi penyakit autisme ke lenyau di Kampung Rantau Panjang, Batu Kawa kena lemai Hari Minggu udah ditemu.
Nitihka penerang, tudah parai lemai di sungai Sarawak enggau tubuh iya ditemu tesangkut ba pukat kira-kira 5 kilometer (paragon) ari Pos Kawalan Bomba (PKB) di Kampung Rantau Panjang urung pukul 7.20 pagi tadi.
Tudah ti bernama Mohd Ramadhan Muhd Ridhuan ke beumur 8 taun lenyau urung pukul 3 lemai Hari Minggu.
Kepenudi iya dipeda enda jauh 500 meter ari rumah iya empu.
Opis Bomba Batu Lintang bejalaika Operasyen Ngiga Enggau Nyelamat (SAR) pengudah nerima ripot ari opis gerakan urung pukul 7 lemai kemari.
Ke penerang mega, bisi 15 iku raban sereta 3 iku pegawai ari Polis Diraja Malaysia udah dikerah bejalaika operasyen ngiga enggau nyelamat ba hari keterubah sebedau bangkai iya ditemu lemas.
