KUALA LUMPUR, 24 Nov: Bisi 2,603,148 iku tauka 82.7 peratus ari raban nembiak di menua tu udah nerima dua dos vaksin COVID-19, naka pukul 11.59 malam tadi.
Bepelasarka data ari Opis Menteri Pengerai (KKM) nengah laman COVIDNOW, bisi 2,760,656 iku tauka 87.7 peratus raban nembiak udah nerima satu dos vaksin.
Nangkan ke nya, bisi 22,425,264 iku tauka 95.8 peratus rayat besai tuai udah nerima dua dos vaksin seraya 98 peratus tauka 22,936,203 iku udah nerima satu dos vaksin COVID-19.
Naka kemari, 135,631 dos vaksin udah diberi ti ngaul 10,473 dua dos tuchuk vaksin, 5,233 nerima dos satu enggau 119,925 nerima dos booster tauka dos penyungkak.
Tu nyadika penyampau kumulatif vaksin ke udah diberi ba dalam Program Betuchuk Vaksin COVID-19 Menua (PICK) diatu udah manggai 52,232,576.
