MIRI, 15 NOVEMBER : Siku lelaki dijil sepengelama lapan bulan enggau mayar ukum sepenyampau RM3,000 ti udah ditetapka Kort Majistret ketegal deka ngemediska menyadi iya empu nguna duku.
Safuan Suboh, 45 taun ari Kampung Haji Wahed diukum baruh Seksyen 324 Penal Kod, ti mai reti dijil sepengelama 10 taun tauka mayar ukum tauka kedua-dua nya sekali.
Bepelasarka rikod, menyadi iya empu ke beumur 44 taun, ngaga ripot polis kena 7 Jun 2021 urung pukul 10.25 malam.
Iya deka ngerara gaya nya tang abang iya majak ringat lalu nikau tupi kaledar sereta malu iya nguna duku.
Tu ngujungka iya bakal ba jari.
Pengawa nya lalu ngujungka polis ngetan abang iya ba sebuah restoran di Jalai Haji Lampan.
Ba awak ke sama, polis mega bisi ngerampas duku sepemanjai 27 centimeter ti dipelabaka diguna lelaki nya.
