BINTULU, 14 NOVEMBER : Empat iku bebadi nyawa ketegal tesepit ba sebuah kerita ketegal ngelantak sebuah lori di Jalai Samalaju/Miri ti besemak enggau lampu trafik Evo Park tumu pagi tadi.
Lalu, siku tepelanting ari kerita enggau udah dibai ngagai sepital ngambika diperubat.
Entara empat iku ke tesepit ba dalam sebuah kerita iya nya tiga iku lelaki enggau siku indu.
Maya penusah nya nyadi, kerita Proton Pesona ti bechura mirah ti ditepan sida ngelantak ba belakang lori ti ngetu ba tisi jalai.
Komander Operasyen PBK II KUP Mohd Alimun madahka, raban bomba beguai ngagai palan nya lalu bebendar ngeluarka tubuh empat iku nya tadi nguna kereban Res-Q tool enggau jampat.
Ku iya nambah agi, kesemua empat iku nya disahka bebadi maya nya enggau siku balat bakal lalu dibai ngagai sepital.
Kes diserahka ngagai polis dikena bejalaika atur ti patut.
