KUCHING, 29 Okt: Perintah besetuju meri diskaun mayar baru Pinjaman Perbadanan Tabung Pendidikan Tinggi Nasional (PTPTN) berengkah 1 nyentuk ke 30 April 2022 tu.
Menteri Pekara wang Tengku Datuk Seri Zafrul Tengku Abdul Aziz madahka tu nyengkaum diskaun 15 peratus ungkup laluh utang dikena mayar penuh duit pinjau sereta diskaun 12 peratus dikena mayar baru pemadu kurang 50 peratus ari baki utang sekali bayar.
Iya madahka, diskaun 10 peratus tu mega deka diberi ungkup mayar baru nengah putung gaji tauka debit terus nitihka jadual.
Nangkanka nya, Zafrul madah mayar baru PTPTN tu endang sebagi ari tanggungpengawa orang ke minjau.
Enti enda, tu ulih meri empas ngagai orang bukai sereta nembiak ke ka besekula jemah ila.
Nya kebuah, dikena ngemudahka pengawa mayar baru PTPTN tu, perintah setuju meri diskaun mayar baru PTPTN.
Kelimpah ari nya, perintah mega mekuhka pengawa ngangkatmanah bidang “Pendidikan dan LAtihan Teknikal dan Voaksional” tauka TVET seririh enggau Pelin Malaysia Lumpar Ke-12 (RMK12) ti deka TVET nyadi ari sebagi penyungkak ngasilka pekereja ke ngembuan pengelandik.
Nya kebuah, perintah besetuju nyendiaka RM6.6 bilion ringgit dikena bejalaika inisiatif ba baruh ejensi enggau opis menteri bekaul.
Bisi RM200 juta mega disediaka ungkup program dalam isndutri tu nyengkaum Skim Latih Dual Nasional enggau Program Sertipikit Industri.
