KUCHING: Ketuai pampang enggau renggat baruh sekalika di serata Sarawak diperansang terus bekerejasama negapka tanggungpengawa ketuai di menua pesisir.
Menteri Muda Pemansang Infrastruktur Enggau Palan Penyangkai Kapal, Datuk Julaihi Narawi madah, tu beguna ngambika tanggungpengawa ketuai tegap sereta nemu tuju kuing polisi tauka agenda perintah nyengkaum ba pengawa pemansang menua pesisir Sarawak.
“Enti tanggungpengawa ketuai lemi, sada rayat enda didinga ti ngujungka mai pengerugi ngagai kandang endur nya empu,” ku iya.
Iya mansutka jaku nya maya bejadika pengerami kus mit raban ketuai Gabungan Parti Sarawak (GPS) enggau Parti Pesaka Bumiputera Bersatu (PBB) pampang Saribas.
Iya ke mega Kaban Kunsil Nengeri (ADUN) Sebuyau madah, Saribas beguna baka enggai sitak bukai ke alai sitak tu patut ditanka enggau GPS menang maya ba pengawa bepilih nengeri (PRN) di deka datai ila.
Nya alai, bala ketuai renggat baruh ba sitak Saribas enggau serata Sarawak mesti nempa kerejasama ti manah nentuka GPS ti ngembuan mayuh peneleba ngambika terus megai perintah Sarawak .
