KUCHING: Opis Menteri Pemansang Orang Indu, Ruang Bilik enggau Komuniti meransang palan nyaga berejister enggau Opis Pengintu Pengelantang Komuniti (JKM) dikena nyelaihka sebarang pekara ke enda disadang nyadi.
Menteri nya, Datuk Seri Rina Harun madahka Sistem Penilaian kendiri Pengendali Pusat Jagaan (myKendiri) dikemanahka dikena nyapai standard minimum ba baruh Akta Pusat Jagaan 1993 (Akta 506) enggau Peraturan-Peraturan Pusat Jagaan 1994.
Ku iya madah taja bisi lebih 1, 000 palan nyaga di serata menua udah berejister enggau JKM ke diatu tang agi mayuh palan nyaga beoperasi enda nitihka standard ti udah ditetapka perintah.
“Nyadi lebuh kitai ngaduka sistem myKendiri tu, keterubah iya nya dikena ngemanahka ukai semina ari raban pematau opis menteri JKM tang mega deka ngemudahka pengemeran palan nyaga nya empu.
“(myKendiri) tu mih garis lalau ke udah ditetapka kitai ngambika palan nyaga tu ukai semina sementara tauka nyadi palan ngiga untung sekeda orang,ukai semina nyadika palan nya selamat tang mikirka sida ti diau ba endur nya,”ku iya.
Iya mansutka jaku nya maya ba aum media pengudah ngelancharka myKendiri di Pusat Penjagaan Persatuan Autisme Kuching ditu.
Sama bisi ngulu iya nya Menteri Pengintu Pengelantang Komuniti, Orang Indu enggau Nembiak Mit Sarawak , Datuk Seri Fatimah Abdullah.
