KUCHING: Nembiak ke nadai dokumen peranak menua deka dibantu ngambika sida ulih belajar ba sekula.
Menteri Pengintu Pengelantang Komuniti, Orang Indu, Ruang Bilik enggau Pemansang Nembiak Mit (KWKPK), Dato Sri Fatimah Abdullah madah, pekara nya deka dikenataika ngagai Opis Menteri Pelajar berundingka pekara nya.
“Enti nyema sekula begunaka penerang ke silik kitai naka ulih mant, Opis Menteri Dalam Menua (KDN) mega ulih meri dokumen ke alai sida dalam proses ngulihka status peranak menua Malaysia,” ku iya.
Berebak enggau nya iya madah, KWKPK nguna surat ti besereta enggau dokumen ti ngesahka nembiak nya nganjung peminta nyengkaum resit dikena ngemudahka proses status peranak menua.
Ku iya nambah, pekara tu beguna dikena nentuka anak Sarawak enda tinggal ari ngulihka pelajar.
