KUCHING: Menteri Besai, Datuk Seri Ismail Sabri Yaakob udah selamat datai ba Padang Bilun Kuching (LTAK) urung pukul 11 pagi tadi.
Tu penemuai keterubah iya seraya kereja ke Sarawak pengudah dichiri nyadi Menteri Besai kena 21 Ogos nyin tadi.
Ismail mega bisi ngulu licha Pemansang Nengeri ari Unit Perambu Ekonomi (EPU) Sarawak.
Menteri Besi ti udah datai ba sebuah hotel urung 11.30 pagi tadi mendingka licha ti disambut Kepala Menteri Datuk Patinggi Abang Johari Tun Openg sereta ketuai tetinggi nengeri.
Ismail Sabri dijangka bisi ngelawa Sepital Petra Jaya sehari tu.
Iya mega dipelaba ngelancharka konsep ‘Keluarga Malaysia’ ti diatur di Borneo Convention Centre Kuching (BCCK) urung pukul 8:30 malam tu.
