KUCHING, 16 Okt : Sarawak kena hari Enam ngerikodka 1,055 kes baru positif COVID-19 enggau 12 kes pemati.
Pia mega, nadai kluster baru diripotka sereta bisi tiga kluster udah punas naka hari Enam.
Ku Komiti Mutarka Penusah Ngenyit Negeri (JPBNS) Sarawak madah, kes positif COVID-19 baru ti diripotka kena hari Enam ngujungka semua kes nambah ngagai 230, 800 di serata nengeri.
Ari penyampau kes nya, 97.35 peratus ba baruh kategori 1 enggau 2 lalu 2.65 peratus ba baruh kategori tiga, empat enggau lima.
Kuching mengkang ngerikodka kes pemadu tinggi iya nya 288 kes, ditangkan ke Miri 218 kes enggau Sibu 117 kes.
Pia mega, Sarawak ngerikodka 12 kes pemati ti ngaul sida ke bisi penyakit raya.
Kelimpah ari nya, bisi tiga kluster udah punas iya nya Kluster Lubuk Bukut, Mukah, Kluster Bandar Baru Mukah, enggau Kluster Palut Baram, Telang Usan.
Kluster ke mengkang aktif di sarawak iya nya 57 kluster.
