KUCHING, Okt 12 : Siku lelaki diukum jil sepengelama 13 bulan ari Kort Majistret, Kuching kena 11 Oktober 2021 ketegal ngemakalka sereta ngemba deka munuh ipar iya.
Lelaki nya ke beumur 34 ngaku penyalah iya ba mua Luyar Majistret Syarifah Fatimah Azura Wan Ali.
Ba kes ti keterubah, iya didawa ba baruh Seksyen 324 Kanun Keseksaan ketegal ngemakalka ipar iya empu ti beumur 40 taun nguna sebatang penyapu.
Nangkanka nya, ba kes ti kedua, iya didawa laban ngemba deka munuh ipar iya.
Kedua-dua kes nya nyadi ba rumah sida di Jalai Sungai Apong, urung pukul 5 lemai kena 11 hari bulan tiga apin lama ti udah.
Bepelasarka kes nya, kes nya nyadi ketegal salah sangka tauka saru penemu ti ngujungka iya ngereja penyalah nya.
Tudah lalu ngaga ripot polis laban irau ke pengelikun diri lalu lelaki nya ditan di Jalai Sungai Apong, urung pukul 11.15 pagi.
